HAFLA YA UAPISHO WA MKUU WA WILAYA YA LUDEWA MHE. VICTORIA CHARLES MWANZIVA

tarehe Iliyowekwa: February 1st, 2023

Mkuu wa Wilaya ya Ludewa Mhe. Victoria Charles Mwanziva alikula kiapo cha uongozi kwa nafasi ya Mkuu wa Wilaya mbele ya Mkuu wa Mkoa wa Njombe Mhe. Anthony Mtaka tarehe 30 Januari, 2023 katika ukumbi wa Halmashauri ya Mji wa Njombe.

Mhe. Victoria Charles Mwanziva aliteuliwa na Rais wa Jamhuri ya Muungano wa Tanzania Mhe Dkt. Samia Suluhu Hassan kuwa Mkuu wa Wilaya ya Ludewa mnamo tarehe 25 Januari 2023.

Katika hotuba yake ya baada ya uapisho Mkuu wa Wilaya ya Ludewa Mheshimiwa Victoria Charles Mwanziva alimshukuru Rais wa Jamhuri ya Muungano wa Tanzania Dkt. Samia Suluhu Hassan kwa kumuamini na kumpa nafasi ya kushirikiana na viongozi mbalimbali wa Wilaya ya Ludewa kusimamia mipango ya maendeleo.

“Ludewa ya Utalii, Uchumi wa Chuma na Makaa ya Mawe kwa Maendeleo yetu”