WAZIRI WA MALIASILI NA UTALII AFANYA ZIARA YA KIKAZI LUDEWA

tarehe Iliyowekwa: February 5th, 2023

Waziri wa Maliasili na Utalii Mhe.Balozi Dkt. Pindi Chana jana Februari 04,

2023 amefanya ziara ya kikazi ya siku moja Wilayani Ludewa na kukagua

miradi mbalimbali inayotekelezwa na

Wakala wa Huduma za Misitu

Tanzania (TFS) Wilayani Ludewa.

Pamoja na mambo mengine, amezindua zoezi la upandaji miti katika

wilaya ya Ludewa na kushiriki zoezi la upandaji miti zaidi ya 300

ambayo imepandwa katika eneo la shule ya sekondari Ludewa. Pia

ametembelea bweni linalojengwa katika shule ya sekondari Ludewa

Kwanza ambayo ni Shule Teule.

Aidha, Mhe. Waziri Balozi Pindi Chana amekabidhi gari moja lenye

thamani ya shilingi milioni 170 litakalotumika katika shughuli mbalimbali

za Wakala wa Huduma za Misitu Tanzania (TFS) Wilayani Ludewa.

Katika ziara hiyo Mhe. Waziri aliambatana na viongozi mbalimbali

akiwemo Mkuu wa Wilaya ya Ludewa Mhe. Victoria Mwanziva,

Mwenyekiti wa Halmashauri ya Wilaya ya Ludewa Mhe. Wise Mgina. Pia

walikuwepo Mbunge wa Jimbo la Ludewa Mhe. Joseph Kamonga,

Viongozi wa Chama cha Mapinduzi (CCM) Wilaya ya Ludewa

wakiongozwa na Mwenyekiti wa CCM Wilaya ya Ludewa Ndg. Stanley

Kolimba,Wakuu wa divisheni na vitengo wakiongozwa na Kaimu

Mkurugenzi Mtendaji wa Halmashauri ya Wilaya ya Ludewa Bw. Gilbert

Ngailo.

Wakati akiwahutubia wananchi wa Wilaya ya Ludewa katika ukumbi wa

Halmashauri ya Wilaya ya Ludewa Mheshimiwa Waziri amepokea zawadi

ya Mhe. Rais wa Jamhuri ya Muungano wa Tanzania Dkt. Samia Suluhu

Hassan kutoka kwa umoja wa wanaweke wa Chama cha Mapinduzi

(UWT) Wilaya ya Ludewa. Zawadi hiyo imetolewa kama alama ya

shukrani kwa Mheshimiwa Rais Dkt. Samia Suluhu Hassan kwa namna

anavyochapa kazi na kuipa Halmashauri ya Ludewa fedha kwa ajili ya

miradi mbalimbali ya maendeleo.