WAWEKEZAJI WAMIMINIKA LUDEWA.

tarehe Iliyowekwa: April 9th, 2023

Zaidi ya wawekezaji 26 tarehe 6 Aprili 2023 walipokelewa na Kaimu Katibu Tawala wa Wilaya ya Ludewa Bw. Daniel Ngalupela  katika ofisi ya Mkuu wa Wilaya.

Wawekezaji hao wakiongozwa na NDC  walikuja  Wilayani Ludewa kwa lengo la kuangalia eneo la machimbo la Makaa ya Mawe katika Kata ya Mkomang'ombe.

Aidha walifika katika Ofisi ya Kata ya Mkomang'ombe wakiongozwa na Kaimu Katibu tawala, Kaimu Mkurugenzi Mtendaji wa Halmashauri ya Wilaya ya Ludewa pamoja na Kamati ya Usalama ya Wilaya  na kufanya kikao cha pamoja na Diwani wa Kata ya Mkomang'ombe, Mtendaji wa Kata na wajumbe wengine wa Mkutano Mkuu wa Kata.

Pamoja na Mambo mengine walijadili suala zima la Uwekezaji katika Kata hiyo na kugusia kuwa Mara baada ya Wananchi kulipwa fidia wao Kama wawekezaji wataanza Uwekezaji katika maeneo hayo.

Na mara baada ya kikao hicho walitembelea maeneo ya vitalu vya Makaa ya Mawe na kujionea hali halisi.