WATENDAJI WA KATA WASAINI MKATABA WA LISHE LUDEWA

tarehe Iliyowekwa: October 26th, 2022

Maafisa watendaji wa Kata Halmashauri ya Wilaya ya Ludewa leo Oktoba 26, 2022 wamesaini mkataba wa upangaji,ufuatiliaji na utekelezaji wa afua za lishe ilikufanikisha swala la uboreshaji wa hali ya lishe na kupunguza athari zautapiamlo kwa jamii hasa ya udumavu.

Mkataba huu umesainiwa baina ya mwajiri ambaye ni Mkurugenzi wa Halmashauri Mtendaji wa Halamashauri ya Wilaya ya Ludewa Ndg. Sunday Deogratias na Maafisa watendaji wa Kata ili kuhakikisha kuwa maswala ya lishe yanakuwa agenda ya kudumu katika vikao vya kisheria vya kamati ya maendeleo ya Kata pamoja na kufanikisha utekelezaji wa siku ya afya kwa Kata zote.

Afisa Lishe wa Halmashauri ya Wilaya ya Ludewa Bwn. Mwitambe Samsoni wakati akizungumza na watendaji hao wa Kata amesema Wilaya ya Ludewa kwasasa imejipanga na kujiwekea mkakati wa kutokomeza utapiamlo kwa watoto chini ya umri wa miaka 5 kwa mwaka huu.

Mikakati ya Serikali katika kupambana na utapiamlo kwa kuweka msisitizo wa utekelezaji imeandaa mkataba ambao walisainishwa wakuu wa Mikoa na Wilaya kisha wakurugenzi wa Halmashauri na leo Mkurugenzi amewasainisha watendaji wa Kata.

Maafisa watendaji hao wamesema watahakikisha wanafanyia kazi rasimu ya mkataba huo na kusimamia utekelezaji wake kwenye Mitaa iliyopo katika Kata wanazosimamia.