UTALII KUSINI WAPAMBA MOTO

tarehe Iliyowekwa: November 12th, 2022

Viongozi wa Mbalimbali wa Halmashauri ya Wilaya ya Ludewa wakiemo Wakurugenzi Watendaji wa Halmashauri za Mkoa wa Njombe wameshiriki maonesho ya Utalii Karibu Kusini yaliyoanza Novemba 09 na yanayo tarajia kuhitimishwa Novemba 13, 2022 Mkoani Iringa.

Mkurugenzi Mtendaji wa Ludewa, Mkurugenzi Mtendaji wa Njombe Mji, Mkurugenzi Mtendaji wa Makete, Mkurugenzi Mtendaji wa Makambako na Mkurugenzi Mtendaji wa Njombe Dc pamoja na Waheshimiwa Wakuu wa Wilaya wanaendelea kushiriki maonesho hayo yatakayo ahirishwa siku ya kesho ambapo kila Mkurugenzi anaendelea kukaribisha Wawekezaji kwenye maeneo yao kwa kuwaeleza Watanzania wanaofika katika mabanda ya maonesho Mkoani Iringa.

Mkoa wa Njombe ni miongoni mwa Mikoa yenye vivutio vingi vya utalii  ikiwa ni pamoja na Uwepo wa Ziwa Nyasa, Safu za Mlima Livingstone, Msitu wa asili wa Nyumbanitu, hifadhi ya Kitulo Makete bila kusahau Maporomoko ya maji.

Hali kadhalika Mkoa wa Njombe umezungwa na fursa lukuki za Kilimo ikiwa ni pamoja na kilimo cha Ngano,Kilimo cha Kahawa, Kilimo cha Chai, Kilimo Mahindi, Kilimo cha Korosho, Kilimo cha Miti na Kilimo cha Parachichi nk.

Yote hayo wanaelezwa Watanzania wote wanafika katika maonesho ya Utalii Karibu Kusini yanayoendelea hadi hapo kesho.