Mwenyekiti wa kikundi cha Vijana Ludewa amshukuru Rais

tarehe Iliyowekwa: May 20th, 2022

Ziara anayo endeleanayo Afisa Habari wa Halmashauri wa Wilaya ya Ludewa Ndg. Chrispin Kalinga ya Kutembelea miradi ya maendeleo kwenye Halmashauri hiyo yenye lengo la kuiangazia na kuwahabarisha watanzania, amekutana na moja ya kikundi cha ujasiliamari cha vijana kilicho pewa mkopo na Halmashauri hiyo  wa shilingi Milioni Thelathini kwa mwaka 2022.

Mwenyekiti wa kikundi hicho  cha Luilo youth vocational training center group Bw. Louis Haule amesema, katika kipindi chote ambacho walikuwa wakipata mkopo na Halmashauri hiyo mwaka huu kikundi chao kimepewa neema ya kupata mkopo mkubwa utakao wezesha na kurahisisha shughuli zao haswa za kukua kiuchumi na kuinua vijana wengine.

Katika hatua nyingine Mwenyekiti huyo ameishukuru Halmashauri ya Wilaya ya Ludewa kwa kuona umuhimu wa kuviona vikundi vya vijana na kuviunga mkono kwa kuviweza mikopo.

Mwisho kabisa akamaliza kwa kumshukuru Mhe. Rais wa Jamhuri ya Muungano wa Tanzania Mhe. Samia Suluhu Hassan  kwa kuwakumbuka vijana na kuziagiza Halmashauri kwa mapato ya ndani kutoa mikopo isiyo kuwa na riba kwa Vikundi vya Vijana, Vikundi vya Wakina mama na Vikundi vya watu wenye mahitaji maalumu.