MTAA KWA MTAA ZIARA ZA VIONGOZI LUDEWA KUFUATILIA ZOEZI LA SENSA

tarehe Iliyowekwa: August 24th, 2022

Mkuu wa Wilaya ya Ludewa Mhe. Andrea Tsere akiwa ndiye Mwenyekiti wa kamati ya Sensa amehesabiwa pamoja na viongozi wengine wa Halmashauri ya Wilaya ya Ludewa akiwemo Mkurugenzi Mtendaji wa Halmashauri ya Wilaya ya Ludewa ambaye ni mjumbe wa Sensa Wilaya ya Ludewa wamehesabiwa.

Mkurugenzi Mtendaji wa Halmashauri ya Wilaya ya Ludewa Sunday Deogratias alishiriki zoezi la sensa ya watu na makazi kwa kuhesabiwa akiwa katika makazi yake hapo Wilayani Ludewa huku akijumuisha na familia anayoishi nayo mjini Ludewa.

Zoezi la kuhesabiwa lilimeongozwa na Mkuu wa Wilaya huku makarani wa Sensa wakiwa wametawanyika Wilaya yote y awaliya ya Ludewa tayari kwa kuwahesabu Watanzania woye wanaoishi Wilayani humo.

Wakati zoezi la kuhesabiwa likiendelea Wilaya yote ya Ludewa leo Agosti 24 timu nzima ikiongozwa na Mwenyekiti wa Sensa imeendelea na ziara ya kuwafikia wanchi kila kata kwalengo la Kuhamasisha wananchi kuhakikisha wanahesabiwa.

Akiwa katika Tarafa ya Mwambao Mhe. Andrea Tsere amekutana na wanachi walio hesabiwa na kuwapa pongezi kwa kufanikiwa Kuhesabiwa na alipokuwa katika Kijiji cha Ilinindi Wilayani humo aliwasihi wananchi ambao bado hawajafikiwa na karani wa sensa kuwa wavumilivu na kuandaa taarifa zote zinazotakiwa ili kurahisisha zoezi Pindi karani atakapo fika.

Aidha Mkurugenzi Mtendaji wa Halmashauri ya Wilaya ya Ludewa Bwn. Sunday Deogratias  ametoa rai kwa wananchi wote wa Wilaya ya Ludewa  kuendelea kuwapokea na kuwapa ushirikiano wa kutosha makarani  wa sensa ili waweze kuifanya kazi hii kwa uaminifu na uadilifu mkubwa katika zoezi hili la sensa ya watu na makazi 2022

 *Ludewa ipo imara*

#LudewaYetu #SensaYetu