MKUU WA WILAYA YA LUDEWA VICTORIA MWANZIVA AZINDUA ZAHANATI TARAFA LIGANGA KATA YA MUNDINDI.

tarehe Iliyowekwa: September 12th, 2023

Na Chrispin Kalinga

Mkuu wa Wilaya ya Ludewa Mhe. Victoria Mwanziva Septemba 12, 2023 amezindua Zahanati  iliyojengwa katika Kata ya Mundindi Kitongoji cha Chimbo wilayani Ludewa iliyogharimu kiasi cha shilingi Milioni 73, 905,791.29 hadi kukamilika kwake.

Katika tukio lingine Mhe. Mwanziva  amekagua kituo cha Afya kilichojengwa katani hapo ambacho kimekamilika kwa gharama za jumla ya shilingi Milioni 544,250,000.

Aidha mepokea taarifa na kukagua vifaa tiba na dawa zilizo nunuliwa kwa gharama ya shilingi Milioni 150,000,000  na tayari kituo hicho kimeanza kutoa huduma kwa wananchi na kinatarajia kuwahudumia wananchi 40000 kutoka maeneo mbalimbali ya Tarafa ya Liganga na maeneo mengine ya  jirani.

Mkutano wa mheshimiwa Mkuu wa Wilaya ya Ludewa katika Kata ya Mundindi umehudhuriwa na viongozi mbalimbali wa Chama cha Mapinduzi CCM wakiongozwa na Katibu wa Chama hicho Ndugu Gervas Ndaki, Mwenyekiti wa Halmashauri ya Wilaya ya Ludewa Mhe. Wise Mgina na  baadhi ya Wakuu wa Idara na Vitengo wakiongozwa na Mkurugenzi Mtendaji wa Halmashauri ya Wilaya ya Ludewa Ndugu Sunday Deogratias.