MKUU WA WILAYA YA LUDEWA MHE. VICTORIA MWANZIVA AWASILI JIJINI MBEYA

tarehe Iliyowekwa: July 31st, 2023

Na Chrispin Kalinga

Maonyesho ya sherehe za wakulima Nane Nane 2023 yanatarajiwa  kuzinduliwa kesho tarehe 01.08.2023 katika viwanja  vya John Mwakangale Jijini Mbeya ambapo mgeni rasmi wa sherehe  hizo anatarajiwa kuwa Makamu wa Rais wa Jamhuri ya Muungano wa Tanzania, Mhe. Dkt. Philip Mpango.

Mkuu wa Wilaya ya Ludewa, Mhe. Victoria Mwanziva akiambatana na Mkurugenzi Mtendaji wa Halmashauri ya Wilaya ya Ludewa, Ndg. Sunday Deogratias tayari wamewasili leo Julai 31, 2023 kwaaajili ya kushiriki zoezi la ufunguzi wa maonyesho hayo.

Maonyesho hayo kwa mwaka 2023 yameambatana na kauli mbiu isemayo "Vijana na Wanawake ni msingi imara wa mfumo endelevu wa chakula”.