MKUU WA WILAYA YA LUDEWA MHE. VICTORIA MWANZIVA AMPOKEA WAZIRI WA MALIASILI

tarehe Iliyowekwa: February 5th, 2023

Mkuu wa Wilaya ya Ludewa Mhe. Victoria Mwanziva Jana Februari 04, 2023 alimpokea Waziri wa Maliasili na Utalii Mheshimiwa Balozi Dkt. Pindi Chana na kumuongoza kwenye miradi mbalimbali inayotekelezwa chini ya Wakala wa Huduma za Misitu Tanzania (TFS) Wilayani Ludewa.

Mhe. Waziri alifanya ziara ya siku moja Wilayani Ludewa na kuzindua zoezi la upandaji miti zaidi ya miti 300 ilipandwa katika shule ya sekondari Ludewa na kuhamasisha upandaji miti kwa lengo la kutunzaji mazingira.

Wakati akipokea taarifa  kutoka kwa Kaimu  Mkurugenzi Mtendaji wa Halmashauri ya Wilaya ya Ludewa Ndg. Gilbert Ngailo kwa niaba ya Mkuu wa Wilaya alisema, zoezi la upandaji miti litakuwa endelevu kwani eneo hilo limepandwa miti mingi, kwa wiki la uzinduzi jumla ya miti 600 imepandwa na zaidi ya mizingi ya nyuki 100 imewekwa katika msitu wa eneo hilo kwa lengo la kuanzisha biashara ya asali pindi itakapo anza kuvunwa.

Kwa upande wake Mkuu wa Wilaya ya Ludewa Mhe. Victoria Mwanziva aliongeza kwa kusema kuwa, Wilaya ya Ludewa inakwenda kwenye mabadiliko ya kimkakati na kumuahidi Waziri wa Maliasili kuwa Wilaya ya Ludewa itaendelea kutoa elimu kwa vijana na watu wote ya  umuhimu wa utunzaji mazingira na kuyafanya mazingira hayo kuwaingizia kipato kwa kuandaa mizingi ya nyuki, kupanda miti ya mbao nk.

Katika hatua nyingine Waziri wa Maliasili na Utalii Mhe. Balozi Dkt. Pindi Chana alikabidhi gari moja lenye thamani ya milioni 170 kwa Wakala wa Huduma za Misitu TFS Wilaya ya Ludewa kwa lengo la kusaidia ufuatikiaji, na utaoaji elimu kwa wananchi wa vijijini juu ya umuhimu wa utunzaji mazingara na kutochoma Moto ovyo.

Mwisho alimaliza kwa kusema kuwa wizara yake itaendelea kuwa jirani na Halmashauri zote nchini kwa kutoa miti ya kutunza vyanzo vya maji, miti ya kibiashara nk.