MKUU WA WILAYA YA LUDEWA MHE. VICTORIA MWANZIVA AAPISHWA RASMI LEO JANUARI 30, 2023

tarehe Iliyowekwa: January 30th, 2023

Mkuu wa wilaya ya Ludewa Mhe. Victoria Mwanziva ameapishwa rasmi leo na mkuu wa mkoa wa Njombe Mhe. Anthony Mtaka huku akiomba ushirikiano katika kutekeleza majukumu yake hayo mapya.

Mhe: Mwanziva ameteuliwa na Rais wa Jamhuri ya Muungano wa Tanzania siku chache zilizopita akiwa Katibu wa Hamasa na Chipukizi (CCM) Taifa ambapo amesema Madini ya Chuma Liganga na Makaa ya Mawe Mchuchuma ndio agenda kubwa anayokwenda kushughulikia.

Aidha aliyekuwa mkuu wa wilaya ya Ludewa  Mhe. Andrea Tsere amesema uongozi ni kama mchezo wa vijiti wa kupokezana hivyo yeye alikuwa wa Mkuu wa Wilaya ya Ludewa wa 15 na amemwachia kijiti hicho Mhe. Mwanziva ambaye yeye atakuwa Mkuu wa Wilaya ya Ludewa wa 16.

Kwa upande wake Mwenyekiti wa Chama cha Mapinduzi (CCM) Mkoa wa Njombe Ndugu Deo Sanga amemtaka Mhe. Mwanziva kwenda kusimamia kikamilifu Utekelezaji wa Ilani ya CCM ambayo amekabidhiwa na mkuu wa mkoa wa Njombe.