MKUU WA WILAYA YA LUDEWA AONGOZA ZOEZI LA UGAWAJI WA PIKIPIKI KWA MAAFISA WATENDAJI WA KATA.

tarehe Iliyowekwa: February 24th, 2023

Februari 24, 2023 Mkuu wa Wilaya ya Ludewa Mhe. Victoria Mwanziva akiambatana na uongozi wa Halmashauri ya Wilaya ya Ludewa ameshiriki zoezi la ugawaji wa pikipiki kwa Maafisa Watendaji wa Kata nane ambazo zimetolewa na Mhe. Rais Dkt. Samia Suluhu Hassan.

Wakati wa zoezi hilo Mkuu wa Wilaya amemshukuru Rais wa Jamhuri ya Muungano wa Tanzania Mhe. Dkt Samia Suluhu Hassan kwa kutoa vyombo hivyo vya usafiri vitakavyo warahisishia watendaji kazi zao kutokana na jiografia ya maeneo mbali mbali ndani ya Wilaya ya Ludewa.

Amewaomba Watendaji wote walio kabidhiwa pikipiki siku ya leo kulinda Imani kubwa aliyo wapa Mheshimiwa Rais kwa kuwaletea pikipiki zitakazo wasaidia katika majukumu yao.

Amesema Imani hiyo italindwa kwa matumizi mazuri ya hivyo vifaa kwani Mheshimiwa Rais aliahidi, na ametenda hivyo wanapaswa kuvitunza vifaa hivyo ili viwafae katika kazi zao kwa mda mrefu.

Pia DC Mwanziva amewaomba Watendaji kuzitumia pikipiki hizo katika kazi zilizo kusidiwa na kuboresha ufanisi wa utendaji wao.

#LudewaYetu