MKAKATI WA VIPINDI MAALUMU VYA KUIMALISHA HUDUMA ZA CHANJO WAJADILIWA LUDEWA

tarehe Iliyowekwa: March 22nd, 2023

Kaimu Katibu Tawala wa Wilaya ya Ludewa Ndg. Daniel Ngalupela leo terehe 22 Machi 2023 ameongoza kikao kazi cha Wataalumu wa Afya wa Wilaya ya Ludewa kilichohudhuriwa na wajumbe wa Kikao hicho wakiwemo, Kaimu Mkurugenzi Mtendaji wa Halmashauri ya Wilaya ya Ludewa, Viongozi wa Dini pamoja na Kamati ya Usalama ya Wilaya.

Kikao hicho kimejadili Mpango Mkakati wa Vipindi Maalumu vya Kuimarisha Huduma za Chanjo pamoja na kuongeza uelewa kwa jamii juu ya umuhimu wa Chanjo za watoto chini ya miaka mitano.

Aidha wakati akifunga Kikao hicho Ndg. Ngalupela  amewaomba Wazazi na Walezi  wote wa Wilaya ya Ludewa kuzingatia na kufuata maelekezo kutoka kwa Wataalumu wa Afya dhidi ya Chanjo ya kukinga Magonjwa ya Surua na Rubella inayoendelea kutolewa kwa watoto ambao hawajawahi kupata au kakumiliaha ratiba ya chanjo.