MHESHIMIWA WISE MGINA AFANYA ZIARA YA KIKAZI TARAFA YA MASASI

tarehe Iliyowekwa: March 13th, 2023

Mwenyekiti wa Halmashauri ya Wilaya ya Ludewa Mheshimiwa Wise Mgina tarehe 10 Machi, 2023 alifanyaziara ya kikazi katika Tarafa ya Masasi Kata ya Manda kijiji cha Mbongo.

Katika ziara hiyo aliambatana na Kaimu Mkurugenzi Mtendaji wa Wilaya ya Ludewa pamoja na Wakuu wa Divisheni na Vitengo vya Halmashauri ya Wilaya yaLudewa.

Ziara hiyo ililenga kutoa elimu kwa wananchi na utayari wa kushiriki shughuri za kimaendeleo haswa katika miradi inayotekelezwa kwenye vijiji na vitongoji vyote vya Tarafa ya Masasi Wilayani Ludewa.

Aidha alikutana na wananchi wa kijiji cha Mbongo na kufanya mkutano wa hadhara katika viwanja vya shule ya msingi Lutara.

Mhe. Wise Mgina alitembelea na kukagua mradi wa Ujenzi wa Darasa moja linalojengwa katika shule ya Msingi Lutara ambapo hivi karibuni shule hiyo ilipatiwa fedha ya kutekeleza mradi huo zaidi ya milioni 12.

“Naomba nitumie nafasi hii Kumshukuru Rais wa Jamhuri ya Muungano wa Tanzania kwa kutoa fedha za kutekeleza Miradi mbalimbali ya Kimaendeleo ikiwa ni pamoja na kuleta fedha za ujenzi wa darasa moja katika kitongoji hiki cha Lutara kijiji cha Mbongo, nasi wananchi tunakila sababu ya kumuunga mkono Rais wetu Mhe. Dkt. Samia Suluhu Hassani kwa kushiriki shughuli za maendeleo ili tuendane na kasi ya Rais” alisema Mhe. Wise