Ludewa yapiga hatua zoezi la sensa katika dodoso la Majengo

tarehe Iliyowekwa: August 31st, 2022

Wilaya ya Ludewa ni miongoni mwa Wilaya zinazofanya vizuri katika nyanja mbalimbali ikiwemo ukusanyaji wa mapato ya ndani na pia ni miongoni mwa Halmashauri zenye utajili mkubwa wa Makaa ya mawe na Madini ya chuma.

Katika zoezi la sensa ya Watu na Makazi imefanikiwa kuwafikia watanzania wote waliolala  kwenye Wilaya hiyo usiku wa kuamkia tarehe 23/08/2022 na kuifanya Wilaya hiyo kumaliza Kukusanya takwimu sahihi katika dodoso la Jamii.

Ikumbukwe kwamba kwamujibu wa taarifa za awali zilieleza kwamba zaidi ya kaya elfu 38 zilifikiwa na kulifanya zoezi hilo kukamilika kwa asilimia miamoja.

Na leo Agosti 31, 2022 Wilaya yote imezungukwa na Makarani wa Sensa wanaotekeleza vyema jukumu lao la uchukuaji taarifa katika dodoso la  Majengo na  kulifanya zoezi hilo kwenda kwa kasi ambapo matarajio ya kiwilaya  leo kata nyingi zitamaliza kabisa zoezi hilo.