LUDEWA YAKABIDHI MADARASA 10 YALIYOKAMILIKA

tarehe Iliyowekwa: December 16th, 2022

Mkuu wa Mkoa Wa Njombe  Mhe. Anthony Mtaka  leo Desemba16, 2022 amepokea Madarasa 98 yenye thamani ya Shilingi Bilioni 1.96  yaliyojengwa katika Mkoa wa Njombe.

 Madarasa hayo yote yamekamilika tayari kwaajili ya kupokea Wanafunzi watakaoanza Kidato cha Kwanza Mwezi Januari 2023.

Akizungumza katika Uzinduzi huo Mhe. Anthony Mtaka ameeleza kwamba ameridhishwa na ushirikiano kutoka kwa Wakurugenzi na Wataalamu wengine tangu  kuanza hadi kukamilika kwa ujenzi wa madarasa hayo.

"Ifikapo Januari 9, 2023 Wanafunzi wote waliochaguliwa kujiunga na kidato cha kwanza wanatakiwa kuripoti shuleni bila kujali ana sare au hana, je amelipa ada au hajalipa  na nitalifuatilia hili" amesema Mhe. Mtaka.

Aidha amewahimiza  Walimu  kuwasisitiza  wanafunzi kutunza Madarasa hayo na Samani zote zilizopo katika vyumba vya Madarasa hayo.

Mbunge wa Jimbo la Makambako Mhe. Deo Sanga amewasisitiza Wanafunzi kujituma katika masomo  kwa kuwa Rais Wa Jamhuri ya Muungano wa Tanzania  Mheshimiwa Dkt. Samia Suluhu Hassan ametoa fedha nyingi ili kuhakikisha Wanafunzi wanakuwa na Miundombinu bora.

Uzinduzi huo wa Madarasa umehusisha wilaya ya zote nne zibazounda Mkoa wa Njombe yaani Wilaya ya Njombe, Wanging'ombe, Ludewa na Makete.