LUDEWA YAENDELEA KUIBUKA MSHINDI WA KWANZA KIMKOA KWENYE ENEO LA NGOMA ZA ASILI.

tarehe Iliyowekwa: August 24th, 2023

Na. Chrispin B. Kalinga

Kikundi cha Ngoma ya asili ya Mganda kutoka Halmashauri ya Wilaya ya Ludewa kimeibuka kidedea kwakuwa Mshindi wa kwanza Kimkoa katika mashindano ya Maonyesho ya Tamasha la Kitaifa la pili la Utamaduni linalofanyikia Mkoa wa Njombe.

Ushindi huo umepatikana wakati wa upembuzi wa vikundi mbalimbali vya Mkoa wa Njombe vinavyopaswa kuuwakilisha Mkoa wa Njombe kwenye maonyesho hayo, hivyo Kikundi kutoka Halmashauri ya Wilaya ya Ludewa kimeshika nafasi ya kwanza na ndicho kitakacho uwakilisha Mkoa.

Maonyesho hayo yataanza rasmi siku ya kesho tarehe 25 Agasti  2023 katika viwanja vya stendi ya mabasi ya zamani ya Njombe iliyopo kata ya Njombe Mjini.

Mapema asubuhi ya leo kulinogeshwa kwa Matukio mbalimbali ikiwa ni pamoja na Kufanya mazoezi ya viungo vya mwili na mchana kulikuwa na mashindano mbalimbali ya mchezo wa Mpira wa miguu yaliyofanyikia katika Uwanja wa Mpira wa miguu (CCM) sabasaba Njombe ambapo Mkuu wa Wilaya ya Njombe Bi. Kissa Gwakisa Kasongwa alishiriki kushuhudia michezo hiyo.