LUDEWA YAANGAZIA FURSA ZA UWEKEZAJI ZANZIBAR

tarehe Iliyowekwa: December 30th, 2022

Leo Desemba 30, 2022 Viongozi mbalimbali akiwemo Afisa Utalii wa Wilaya ya Ludewa, Afisa biashara wa Wilaya ya Ludewa, Afisa Habari wa Wilaya ya Ludewa pamoja na Wajasiliamali kutoka Wilaya ya Ludewa wamepata fursa ya kujifunza mambo mbalimbali ikiwa ni pamoja na mbinu za kibiashara, Matumizi sahihi ya vyanzo vya Kitalii pamoja na utafutaji Masoko ya Utalii.

Yote hayo yamefanyika katika ukumbi mdogo wa Ofisi za Utunzaji kumbukumbu na taarifa za serikali Kilimani Mjini Zanzibar.

Wilaya ya Ludewa ni miongoni mwa Wilaya hapa nchini Tanzania zilizopata mwaliko wa kushiriki kongomano la 9 la biashara linaloendelea hadi Januari 13, 2023 katika viwanja vya Maisala Mjini Magharibi Zanzibar.