LUDEWA INAKWENDA KUFANYA MAGEUZI MAKUBWA SEKTA YA UTALII

tarehe Iliyowekwa: September 27th, 2023

Afisa Utalii wa Halmashauri ya Wilaya ya Ludewa Bw. Andrew Njavike na Afisa Habari wa Halmashauri ya Wilaya ya Ludewa Bw. Chrispin Kalinga Leo tarehe 27 Septemba 2023 wametembelea Makumbusho ya Mtwa Mkwawa yaliyopo Mkoa wa Iringa eneo la Kalenga Kwa lengo la kujifunza namna amabavyo wameweka historia eneo hilo na kuwa kivutio cha Utalii kwenye maeneo hayo.

"Tupo hapa kwenye maonesho ya Utalii karibu Kusini na kesho tarehe 28 Septemba 2023 maonesho haya yanamalizika hivyo ujio wetu hapa tunajifunza Makumbusho haya Ili sasa na sisi tukirudi Wilayani kwetu tunakwenda kuandaa maeneo maalumu ya kuwaonesha watalii wanaokuja Wilayani kwetu, Ludewa ina vivutio vingi na vinafikika na vingi zaidi vya kihistoria kama wenzetu wa Kalenga, tumejipanga sasa kuwafahamisha watanzania kuwa Ludewa ni sehemu ya Utalii ikiwa ni pamoja na historia ya Chifu Kidulile, tunarudi Ludewa kutengeneza Kanzi data ya vivutio vyote vya Utalii na kuwekwa kwenye eneo maalumu la Makumbusho" Amesema Andrew Njavike