KOMBE LA USHINDI WA MAONYESHO YA KWANZA YA NANENAE 2023 KIMATAIFA LILILOFANYIKA NCHINI TANZANIA LAWASILI WILAYANI LUDEWA.

tarehe Iliyowekwa: August 9th, 2023

Na. Chrispin Kalinga

Halmashauri ya Wilaya ya Ludewa imekuwa Halmashauri ya kwanza nchini Tanzania kwenye maonyesho ya kwanza ya nanenane Kimataifa yaliyofanyika katika Uwanja wa John Mwakangale Jijini Mbeya.

Hayo yote yamezungumzwa na waratibu wa maonyesho ya nanenane Kitaifa wakati wa utoaji wa zawadi mbalimbali zilizotolewa, Halmashauri ya Wilaya ya Ludewa imekabidhiwa Kombe kwaajili ya Halmashauri, kipima udongo (digital soil scanner) Kitanakilishi 1 (Computer), printer 1, lamination machine 1, Tablet moja na Shilingi Milioni sita kwa msindi mmoja wa Ufugaji wa Samaki.

Mkuu wa Wilaya ya Makete Mhe. Juma Sweda amepokea zawadi hizo akimuwakilisha Mkuu wa Wilaya ya Ludewa leo katika banda la maonyesho la Halmashauri ya Wilaya ya Ludewa.

"Natumia nafasi hii hadhimu Kumpongeza Mkurugenzi Mtendaji wa Halmashauri ya Wilaya ya Ludewa rafiki yangu Bw. Sunday Deogratias kwa kufanikisha ushindi huu ambao kama Mkoa wa Njombe tumepata heshima, lakini pia nimpongeze Mkuu wa Wilaya ya Ludewa, Mhe. Victoria Mwanziva kwa namna anavyoendelea kushirikiana na uongozi mzima, niwapongeze Waheshimiwa Madiwani wote kwa ushirikiano wao, na leo haya ni matokeo mazuri kwa Wilaya ya Ludewa, niwapongeze sana Wataalumu wote na Wajasiliamari mlioiwakilisha vyema Wilaya ya Ludewa na Mkoa wa Njombe kwa Ujumla Hongereni Sana". Alisema Mhe. Juma Sweda