KILELE CHA SIKU YA UHURU LUDEWA 2022

tarehe Iliyowekwa: November 29th, 2022

Halmashauri ya Wilaya ya Ludewa ni miongoni mwa Halmashauri za Mkoa wa Njombe, Nyanda za Juu, Kusini mwa Tanzania, zitakazo shiriki kikamilifu kilele cha maadhimisho ya Miaka 61 ya Uhuru wa Tanzania kuanzia tarehe 01/12/2022 hadi siku ya kilele tarehe 09/12/2022

Katika maadhimisho hayo, Wilaya ya Ludewa tumeandaa mambo mbalimbali ikiwa ni pamoja na  

1: kujadili maendeleo ambayo Wilaya ya Ludewa  imefikia katika kipindi cha miaka 61 ya Uhuru.

2: Kushirikiana na wadau wa maendeleo  kujadili changamoto mbalimbali zinazokwamisha shughuli za maendeleo katika Wilaya ya Ludewa

3: Kutangaza vivutio na fursa za uwekezaji zilizopo katika Wilaya ya Ludewa.

Siku ya kilele cha maadhimisho hiyo tarehe 09/12/2022  tutakuwa na maandamano, Midahalo, maonyesho nk,

Karibu katika Ofisi za Halmashauri uweze kushuhudia mafanikio makubwa yaliyofanywa kwa kipindi hiki cha miaka 61 ya Uhuru.