KIASI CHA SHILINGI MILIONI MIATANO ZAKAMALISHA UJENZI WA KITUO CHA AFYA MUNDINDI.

tarehe Iliyowekwa: June 4th, 2022

Kiasi cha shilingi milioni miatano zilizotolewa na Serikali zimekamilisha ujenzi wa Kituo Cha Afya Kata ya Mundindi,Wilaya ya Ludewa mkoa wa Njombe.

Akizungumza wakati wa kukagua miradi inayo tekelezwa kwenye Wilaya ya Ludewa Mkurugenzi Mtendaji Halmashauri ya Wilaya ya Ludewa Ndg. Sanday Deogratias  amesema Serikali ya awamu ya sita ya Jamhuri ya Muungano wa Tanzania inayoongozwa na Rais  Mhe. Samia Suluhu Hassan ipo tayari kutekeleza yale yote ambayo Serikali  imeyaweka bayana katika kuwatumikia wananchi wake.

Aidha amesema kuwa kwa kukamilika kwa kituo cha Afya hicho ambacho  kitatoa adha ambazo wananchi wamekuwa wakizipitia shida kuzipata na sasa  zimefikia kikomo.

Sambasamba na hilo nao wananchi ambao wamekuwa ni wahanga wakubwa katika kupokea huduma za matibabu wamempongoza  Rais wa Jamhuri ya Muungano wa Tanzania  pamoja na Serikali yake kwa ujumla kwa kuwaona na kutoa fedha ya  kujengea kituo cha Afya ambacho kinaenda kuwasaidia kutokwenda safari ndefu kufuata huduma ya matibabu.