KATIBU WA CHAMA CHA MAPINDUZI CCM WILAYA YA LUDEWA AHIMIZA USIMAMIZI WA FEDHA ZA MIRADI NA KUKAMILIKA KWA WAKATI MIRADI HIYO.

tarehe Iliyowekwa: September 20th, 2023

Na. Chrispin Kalinga

Katibu wa Chama cha Mapinduzi (CCM) Wilaya ya Ludewa, Ndugu Gervas Ndaki  Kufuatiwa taarifa iliyotelewa na Afisa Habari na Mawasiliano serikalini wa Halmashauri ya Ludewa siku ya Jana Septemba 19, 2023  ya ujio wa fedha kiasi cha shilingi Bilioni 1,384,000,000.00 za kutekeleza miradi mbalimbali ya kimaendeleo kwenye Halmashauri ya Wilaya ya Ludewa amesema kuwa, "Ilani ya Chama cha Mapinduzi CCM ya mwaka 2020/2025 inatekelezwa vyema ndani ya Wilaya ya Ludewa ikiongozwa na Mwenyekiti wa Chama chetu ambaye pia ni Rais wa Jamhuri ya Muungano wa Tanzania Dkt. Samia Suluhu Hassan, na sisi kama chama tutaendelea kuwa karibu na miradi yote inayotekelezwa ili kufanikisha malengo ya Chama kuwahudumia wananchi" Amesema Gervas Ndaki.

Aidha, amewaomba wasimizi wa miradi yote ambako fedha ya serikali imepelekwa kwaajili ya kutekeza mradi husika itumike kwa umakini na utekelezaji wa miradi imalizike haraka ili shughuli zilizokusudiwa zifanyike kwa kuwahudumia wananchi.

"Niwaombe wasimamizi wote ambako serikali imeleta gawio la fedha hizi muisimamie vyema miradi hiyo na ikamilike kwa wakati ili itoe huduma kwa wananchi" Amesema Katibu Ndaki.