KANISA LA TAG LUDEWA WAADHIMISHA SIKU YA WANAWAKE DUNIANI KWA MAOMBI MAALUMU YA WANAWAKE

tarehe Iliyowekwa: March 8th, 2023

Kuelekea kilele cha siku ya wanawake Duniani Kanisa la TAG Ludewa kupitia umoja wa Wanawake watumishi wa Kristo (WWK) Machi 5, 2023 waliadhimisha siku ya Wanawake Duniani kwa maombi maalum ya Wanawake.

Maombi hayo yalihudhuriwa na Mkuu wa Wilaya ya Ludewa Mhe. Victoria Mwanziva ambaye aliwaomba waumini wa TAG kuwa na  Umoja, Upendo na Ushirikiano katika utumishi wake wilayani Ludewa.

Sambamba na hilo aliwaomba kumuombea Mheshimiwa Rais wa Jamhuri ya Muungano wa Tanzania Dkt. Samia Suluhu Hassan ili aendelee kuongoza Taifa kwa amani na kuiongoza nchi izidi kusonga mbele.

Katika hatua nyingine Mkuu wa Wilaya ya Ludewa aliwapongeza kwa kuunda kikundi cha kuinuana kichumi na kubuni bidhaa mbalimbali kama Sabuni na kwa hatua wanazoendelea nazo za kilimo pamoja na kuona umuhimu wa kushiriki shughuli mbalimbali za kijamii na kuwaunga mkono katika kujitoa kwao kwa jamii kwa michango mbalimbali kwaajili ya wahitaji na kwa ajili ya mabinti wa sekondari.

#Ludewa ya Utalii, Uchumi wa Chama na Makaa ya Mawe kwa Maendeleo Yetu.