KAMATI YA SIASA YA WILAYA YA LUDEWA YAKAGUA UTEKELEZAJI WA ILANI YA CHAMA CHA MAPINDUZI (CCM).

tarehe Iliyowekwa: August 16th, 2023

Na. Chrispin Kalinga

Kamati ya Siasa ya Chama Cha Mapinduzi (CCM) Wilaya ya Ludewa inaendelea na ziara yake ya Ukaguzi wa  utekelezaji wa miradi ya maendeleo inayotekelezwa kupitia fedha za mapato ya ndani ya Halmashauri pamoja na fedha zinazotolewa na Serikali kuu.

Ziara hiyo ilianza jana ikiongozwa na Mwenyekiti wa CCM Wilaya ya Ludewa Ndg. Stanley Kolimba na  leo tarehe 16 Agosti, 2023 akiwa na Wajumbe wa Kamati ya Siasa wanaendelea na Ukaguzi wa Miradi mbalimbali ikiwa ni pamoja na Ukaguzi wa Barabara inayochimbwa ikitokea Mbwila Kuelekea kata ya Lifuma, Ziwa Nyasa.

Aidha, katika ziara hiyo wameambatana na Viongozi wa serikali akiwemo Mkuu wa Wilaya ya Ludewa Mhe. Victoria Mwanziva ambaye pia ni Mjumbe wa Kamati ya Siasa, Mwenyekiti wa Halmashauri ya Wilaya ya Ludewa Mhe. Wise Mgina, Mkurugenzi Mtendaji wa Halmashauri ya Wilaya ya Ludewa Ndg. Sunday Deogratias, Meneja wa TARURA wa Wilaya ya Ludewa Eng. Butene Jilala pamoja na Wakuu wa Divisheni na Vitengo wa Halmashauri ya Wilaya ya Ludewa.