JESHI LA ZIMAMOTO LAANZA KAZI RASMI LUDEWA

tarehe Iliyowekwa: February 17th, 2023

Kaimu Kamanda wa Jeshi la Zimamoto na Uokoaji Wilaya ya Ludewa S/SGT. Anord C. Mkingule ameripoti rasmi leo Februari 17, 2023 katika Ofisi ya Mkuu wa Wilaya ya Ludewa na kupokelewa na Kaimu Katibu Tawala Ndg. Daniel Ngalupela akimuwakilisha Mkuu wa Wilaya ya Ludewa Mhe. Victoria Mwanziva.

Kaimu huyo ameambatana na Askari wa Jeshi la Zimamoto na Uokoaji SGT. Miana Hatibu ambapo wote wawili wameanza rasmi kazi katika Wilaya ya Ludewa.

Wilaya ya Ludewa haijawahi kuwa na Jeshi la Zimamoto, kwa ujio wa Askari hawa itasaidia utoaji wa elimu ya namna ya kuudhibiti moto katika Nyanja mbalimbali ikiwa ni pamoja na misitu.

Askali huo wameletwa rasmi leo na Kaimu Kamanda wa Jeshi la Zimamoto Mkoa wa Njombe Ins Joel B. Mwakanyasa.