JARIDA LA NCHI YETU LAKABIDHIWA KWA KATIBU TAWALA LUDEWA

tarehe Iliyowekwa: April 4th, 2023

Afisa Habari na Mawasiliano na Uhusiano wa Halmashauri ya Wilaya ya Ludewa Ndg. Chrispin Bernad Kalinga leo Aprili 04, 2023 amekabidhi Majarida mawili ya Miaka 2 ya Uongozi wa Rais wa Jamhuri ya Muungano bwa Tanzania Mhe. Samia Suluhu Hassan kwa Kaimu Katibu Tawala wa Wilaya ya Ludewa Ndg. Daniel Ngalupela akimuwakilisha Mkuu wa Wilaya ya Ludewa Mhe. Victoria Mwanziva na Kwa Kaimu Mkurugenzi Mtendaji wa Halmashauri ya Wilaya ya Ludewa Ndg. Ahobokile Songela.

Majarida hayo yamebainisha miaka 2  ya Maendeleo na Jarida moja limebainisha Miaka 61 ya Mafanikio.

Ikumbukwe kwamba hivi karibuni Waziri Mkuu wa Jamhuri ya Muungano wa Tanzania, Mhe. Kassim Majaliwa Majaliwa alizindua Jarida Maalum la Miaka Miwili ya uongozi wa Rais wa Jamhuri ya Muungano wa Tanzania, Mhe. Dkt. Samia Suluhu Hassan lililoandaliwana ldara ya Habari (MAELEZO).

Uzinduzi huo ulifanyika Machi 27, 2023 wakati wa Ufunguzi wa Kikao Kazi cha 18 cha Maafisa Habari, Mawasiliano na Uhusiano Serikalini 2023 kwenye ukumbi wa Kituo cha Mikutano cha Kimataifa cha Julius Nyerere (JNICC).