HONGERENI SANA VIONGOZI WA RAFIKI FM KWA KUANZA KURUSHA MATANGAZO

tarehe Iliyowekwa: July 10th, 2023

Mkurugenzi Mtendaji wa Halmashauri ya Wilaya ya Ludewa, Ndg. Sunday Deogratias leo Julai 10, 2023 ameupongeza uongozi wa redio mpya inayojulikana kwa jina la RAFIKI FM iliyoanza rasmi leo kurusha matangazo yake Wilayani Ludewa.

Ametuma salamu hizo leo alipotembelewa ofisini na Mwandishi nguri wa Habari kutoka katika Kituo hicho cha Habari Bw. Agustino Kayombo alipokuwa akihitaji ufafanuzi wa Mradi mkubwa wa Ujenzi wa Madarasa kwa shule za msingi unaotekelezwa chini ya mradi wa Boost.

"Ninawapongeza sana kwa kuanza kurusha matangazo katika redio hii ya Rafiki Fm na ni Imani yangu kuwa Sasa wananchi wa Wilaya ya Ludewa watakwenda kuhabarika na sisi Kama serikali tupo tayari kuwapa ushirikiano ili wananchi waendelee kuhabarika na kuyatambua Mambo mengi yanayotekelezwa na serikali" alisema Sunday