HALMASHAURI YA WILAYA YA LUDEWA TUMESHIRIKI MAONESHO YA UTALII KARIBU KUSINI 2023 KATIKA VIWANJA VYA KIHESA KILOLO - IRINGA.

tarehe Iliyowekwa: September 28th, 2023

Na Chrispin Kalinga

Maonesho ya Utalii Karibu Kusini yanalengo  la  kutangaza vivutio vya Utalii na maeneo ya uwekezaji nyanda za Juu Kusini.

Halmashauri ya Wilaya ya Ludewa ina maeneo makubwa ya uwekezaji wa viwanda na maeneo ya Utalii, kama uwepo wa Ziwa Nyasa, Mlima Mrefu nyanda za juu Kusini Mlima Livingstone Madunda, Historia ya Makabila ikiwemo kaburi  la Chifu Kidulile, udongo wa vyungu vyenye ubora Tanzania, mawe ya Chuma, barabara za kitalii ikiwemo barabara ya kutoka Mbwila hadi Lifuma, pamoja na   miti mikubwa ya  asili katika mashamba makubwa tofauti likiwemo la Milo.

Mkurugenzi Mtendaji wa Halmashauri ya Wilaya ya Ludewa Sunday Deogratias amesema Kitengo cha Biashara na Uwekezaji pamoja na Eneo la Utalii wamejipanga kuhakikisha kuwa mwekezaji anapofika Halmashauri ya Wilaya ya Ludewa anapata huduma stahili kwa haraka ili aweze kuwekeza kwani kwa kufanya hivyo mapato ya ndani na  nchi kwa ujumla  yanaongezeka na watanzania wanapata ajira.

Aidha amewakaribisha watanzania kufanya utalii wa ndani ya Halmashauri ya Wilaya ya Ludewa ili kujionea vitu mbalimbali vinavyopatikana Wilayani Ludewa kama Madini ya Chuma, Chokaa na hata Makaa ya Mawe amabayo hivi karibuni Uchimbani unaanza.

Maonesho ya Utalii Karibu Kusini 2023 yamemalizika leo katika viwanja vya Kihesa Kilolo yaliyozinduliwa tarehe 23/09/2023 na Waziri wa Maliasili na Utalii, Mheshimiwa Angellah Kairuki(MB) ambapo Mikoa 10 imeratibu Maonesho hayo ya Utalii Karibu Kusini na waoneshaji zaidi ya 130 wameshiriki.

Na leo tarehe  28 Septemba 2023 yamehitimishwa na Naibu Waziri wa Viwanda na Biashara Mhe. Exaud Kigahe