DIWANI WA KATA YA LUANA AISHUKURU SERIKALI KWA UCHIMBWAJI WA BARABARA YA MBWILA HADI LIFUMA

tarehe Iliyowekwa: July 5th, 2022

Diwani wa Kata ya Luana Wilayani Ludewa Mheshimiwa Wilbard Mwinuka leo Julai 05, 2022 amefanya ziara ya kukagua uchimbwaji wa barabara inayotoka  Mbwila hadi Lifuma.

Wakati akiendelea na ziara yake ya ukaguzi wa barabara hiyo diwani huyo amesema kuwa, barabara hiyo ya kutoka Mbwila hadi Lifuma inaendelea vizuri na  takribani kilomita 5 kutoka inapochepuka hadi  eneo la Malovi imechimbwa.
Aidha Diwani huyo akaongeza kwa kusema kuwa "Nawapongeza sana wananchi wa kijiji cha Mbwila pamoja na viongozi wao kwa ushirikiano kwa kuendelea kutembelea mradi huo mkubwa na muhimu mara kwa mara".

Sambamba na hayo Mhe. Wilbard Mwinuka ametoa shukrani kwa Rais wa Jamhuri ya Muungano wa Tanzania Mhe.Samia Suluhu Hassan na kumpongeza Mbunge wa Jimbo la Ludewa Mhe.Joseph Kamonga kwa kuunga mkono juhudi za wanchi kwa uchimbaji wa barabara hiyo na akaongeza kuwashukuru  TARURA Wilaya ya Ludewa kwa kujitoa na kujibiidisha katika barabara hiyo huku akisema  kuwa wananchi wa maeneo hayo wawe wavumilivu kwa kipindi hiki kifupi barabara inapo chimbwa.

Katika hatua nyingine Diwani huyo amesema kukamilika kwa barabara hiyo kutaongeza mzunguko wa fedha kwenye kata yake ukilinganisha na wakati huu kwani barabara hiyo itarahisisha upatikanaji wa huduma mbalimbali ikiwemo usafari, vyakula nk.

https://www.instagram.com/p/CfoWa94NduW/?igshid=YmMyMTA2M2Y=