DC MWANZIVA AAGIZA FEDHA YA MKOPO ITUMIKE KAMA ILIVYOKUSUDIWA

tarehe Iliyowekwa: February 1st, 2023

Mkuu wa Wilaya ya Ludewa Mhe. Victoria Mwanziva jana Januari 31, 2023 aliongoza kikao cha viongozi mbalimbali wa Halmashauri ya Wilaya ya Ludewa akiwemo Mwenyekiti wa Halmashauri ya Wilaya ya Ludewa Mhe. Wise Mgina, Kaimu Mkurugenzi Mtendaji wa Halmashauri ya Wilaya ya Ludewa Ndg. Gilbert Ngailo pamoja na Wakuu wa Divisheni na Vitengo.

Katika kikao hicho Mhe. Victoria Mwanziva alikabidhi hundi ya Milioni 86,600,000 kwa vikundi 14 ambavyo ni Vikundi vya Wanawake 8, Vikundi 4 vya Vijana na Vikundi 2 vya  watu wenye mahitaji maalumu ikiwa ni sehehemu ya makusanyo ya mapato ya ndani.

"Leo Januari 31, 2023 Tumewakabidhi Hundi hii ya Shilingi Milioni themanini na sita na laki sita ninyi Vikundi vya Wanawake,Vijana na watu wenye mahitaji maalumu, Naomba mkawe waaminifu kwasababu fedha hii ya wananchi, ikatumike kwenye miradi iliyokusudiwa kama mlivyoandika katika maandiko yenu” Alisema Mhe. Mwanziva.

"Ludewa ya Utalii, Uchumi wa Chuma na Makaa ya Mawe kwa Maendeleo Yetu"

#LudewaYetu