BILIONI 18 KUENDELEZA UTALII KUSINI.

tarehe Iliyowekwa: September 24th, 2023

Na Chrispin Kalinga

Halmashauri ya Wilaya ya Ludewa ni Miongoni mwa Halmashauri zinazoshiriki maonesho ya Utalii karibu Kusini yanayoendelea Mkoani iringa.

Maonesho hayo yalifunguliwa rasmi na  Waziri wa Maliasili na Utalii Mhe. Angela Kairuki Jana  Septemba 23, 2023   katika viwanja vya  KihesaKilolo Mkoani Iringa.

katika uzinduzi huo Mhe. Waziri alieleza kwamba  ni jukumu la kila mmoja kuunga mkono jitihada za Rais wa Jamhuri ya Muungano wa Tanzania Mhe. Dkt. Samia Suluhu Hassan ili Kuendelea kuendeleza sekta ya Utalii na kufikia lengo kwa mikakati iliyokusudiwa.

"Sekta ya Utalii ni chanzo kikubwa Cha ongezeko la mapato nchini Tanzania hivyo Kuiendeleza na kuilinda ni Moja ya Lengo la kutimiza mikakati ya utalii karibu kusini" Alisema Mhe. Waziri.

Aidha ,Mhe. Waziri alisema Serikali ya Mhe. Dkt. Samia Suluhu Hasan Rais wa Jamhuri ya Muungano wa Tanzania Imetenga kiasi cha Tsh Bilioni 18 Ilikuendeleza utalii wa kusini ikiwa ni pamoja na Uanzishwaji wa kituo Cha Taarifa za utalii (Tourism information Centre) Nyanda za juu kusini

Maonesho ya Utalii Karibu Kusini  kwa mwaka 2023 yanachagizwa kwa  kaulimbiu isemayo "Muelekeo Mpya wa Uwekezaji".