MRADI WA VIZIMBA VYA SAMAKI LUDEWA UNATARAJIWA KUONGEZA MAPATO YA HALMASHAURI

tarehe Iliyowekwa: July 10th, 2023

Mkurugenzi Mtendaji wa Halmashauri ya Wilaya ya Ludewa, Ndugu Sunday Deogratias Ndori Julai 7, 2023 alifanya  ziara yake ya kikazi ya kukagua miradi yote inayotekelezwa kwenye Halmashauri ya Wilaya ya Ludewa ikiwa ni pamoja na Mradi Boost wa Ujenzi wa Madarasa, nyumba za walimu na miradi mingine.

Katika ziara hiyo aliambatana na baadhi ya Wakuu wa Vitengo na Wakuu wa  Divisheni, walitembelea na  kukagua Mradi wa Vizimba vya Samaki uliopo Kata ya Iwela Kijiji cha Iwela.

"Tumepita hapa kuutazama mradi huu wa Vizimba vya samaki ndani ya Ziwa Nyasa, tumefarijika baada ya kuuona mradi huu unaendelea vizuri na nimatarajio yetu kuwa mradi huu utakwenda kufanya vizuri" alisema Sunday Deogratias