MAKAMU WA RAIS WA JAMHURI YA MUUNGANO WA TANZANIA AENDELEA NA ZIARA YAKE YA KIKAZI MKOANI NJOMBE

tarehe Iliyowekwa: October 27th, 2023

Na. Chrispin Kalinga - Ludewa

Makamu wa Rais wa Jamhuri ya Muungano wa Tanzania Mhe. Dkt. Philip Isdor Mpango leo Oktoba 27, 2023 ameendelea na ziara yake ya kikazi katika Mkoa wa Njombe.

Katika ziara hiyo siku ya leo ameanza Wilaya ya Makete ambapo amezindua mradi wa kufua nishati ya umeme (KV 360 unaomilikiwa na  kabisa la KKKT katika kijiji cha Masisiwe  na kuzungumza na Wananchi.

Sambamba na hilo amekabidhi hati za hakimiliki za kimila kwa wawakilishi wa wakulima wa ngano waliopimiwa ardhi kwenye mpango wa kilimo cha ngano Wilayani Makete.

Aidha, amezungumza na wananchi wa kijiji cha Kipengere Wilaya ya Wanging'ombe.

Na mwisho  ameweka Jiwe la Msingi katika Mradi wa Maji kutoka chanzo cha Lugenge sambamba nakuzungumza na Wananchi.

Kesho tarehe 28 Oktoba 2023 anatarajiwa kufanya ziara yake ya kikazi ndani ya Wilaya ya Njombe ambapo hapo atatembelea mabanda ya wajasiriamali ndani ya Uwanja wa CCM Mkoa wa Njombe na atazungumza na wananchi.